الفنان السورية سولاف فواخرجي الخوف أحيانا شجاعة ...
 |
| xnxx |
نشرت الفناة السورية سولاف فواخرجي منشور عبر صفحتها الرسمي في موقع التواصل الاجتماعي الفيس بوك وعنوانها
الخوف أحيانا شجاعة ...
لازم نتعامل بجدية أكبر مع الكارثة البشرية الحالية اللي اسمها كورونا ، بعيدا عن نظريات المؤامرة وتحليلها وتفنيدها ...
الكارثة اللي عم نعيشها أمر واقع مافينا نغض بصر عنه ولانتكبر عليه وكل يوم قدام عيوننا عم ينصاب ويموت عشرات ومئات أحيانا بكل العالم .
مو عيب نخاف ، وبالوقت الحالي شجاعة انو نخاف ، ومسؤولية انو نخاف ، ووعي وثقافة وعاطفة كمان ...
طبعا اكيد مو لدرجة الهلع ، كرمال نعرف نتصرف بعقلانية وبحكمة . وماحدا يقول انا مارح أثر ،
كل شخص فينا بيأثر ، وكل واحد فينا مسؤول
لانقاذ حالنا وانقاذ عيلنا وغيرنا واللي منحبهم واللي مامنحبهم ،
كلنا سوا حاليا بمركب واحد ، يابننجو يا بنغرق ...
ويا بنقود السفينة بهدوء وببطء وبعقل وبتروي
ولو طال الطريق شوي ، يا بنقود بسرعة وبجنون وبرعونة ... والكل بروح ... ببساطة...
العقل عقلنا والمسار نحنا اللي منحدده .
;بنفس الوقت ... الكارثة البشرية التانية هي الحالة الاقتصادية اللي تجمدت نتيجة تعليق كل شي بالحياة ، صحيح صحيا القعدة بالبيت لصالحنا بس معيشيا الوضع اصعب من كل الحكي .
ومن الشجاعة والاخلاق نساعد بعض ونحس ونكون لبعض ، مارح نعمل تحديات ومارح نتصور ونعلن ... الكل لازم يساعد بدون استثناء ...
واجب الدولة اكيد ... بالمطلق .
بس انا عم احكي عن واجبنا الاجتماعي نحنا اتجاه بعض ، اللي معه كتير واللي معه شوي .
لانو اذا مامتنا من الكورونا رح نموت من الجوع ومن الذل ، طالما معظم الامور الحياتية وقفت لأجل غير مسمّى...
والموت بالمرض بهيك حالة اهون من الموت بذل ...
لهيك يمكن متل ماعلمتنا الكورونا نكون اشخاص جيدين التصرف والسلوك والنضافة و و و ...
كمان كارثة الكورونا عطتنا فرصة نعيش انسانيتنا المفقودة ، والوقت هلأ كتير مناسب لنرجع بشر .
ونحمي حالنا وولادنا وغيرنا ... من المرض ، من الجوع ، من العازة والاحتياج ...
قدمنا وعم نقدم ولازم نقدم اكتر بدون تحديات وبدون تحديد ارقام واعداد ، وكل شي واقل شي منقدمه بيفرق عند كتير ناس .
اذا اعتبرنا الوباء غضب من ربنا ، فالانسانية هو عطاء ربنا اللي لازم نمارسه حاليا وبقوة وبشجاعة ...
ماحدا يقول انا مادخلني ... كلنا دخلنا ...
والايمان المطلوب هو ايماننا بحالنا لنطلع من هالازمة على خير بأقل خسائر ممكنة ...
والله رح يكون معنا لانه منكون عقلنا وتوكلنا ....
العقل ثم التوكل ...
اما الاشخاص من ولاد بلدنا للاسف اللي مابيعرفوا الله بسلوكهم وانانيتهم من تجار الحرب والازمات هدول نهايتهم وخيمة ولاعندهم رادع لا اخلاق ولاقانون
ولا ولا ولا ..... وماعم يكون في فايدة من القرارات الحكومية للاسف ، ولا حل للغلاء اللي عم يكوي البشر ... وكل شي عشناه حرب وتبعات حرب وكل شي تحملناه ... الا هدول ... مالهم حل ... ومؤسف انو مالهم حل !!!
بس دعوة بسيطة جدا انو خافوا الله اللي بتمارسوا عبادتكم اله ظاهريا فقط ... واعتبروا ولادكم مكان كتير ولاد موقادرين ياكلوا واحد بالمية من المنتجات اللي بتبيعوها اكتر من حقها بكتير واكبر من قدرة معظم السوريين ... اتقوا الله بولادكم عالقليلة ...
الڤيديوهات عن الوباء منتشرة بكل مكان ، انا مافيني انصح وقول شو لازم نعمل ومتلي متل غيري ، والكل صار بيعرف ، ورح نلتزم ببيوتنا ... ورح نكون واعيين ، بس لازم لازم نساعد بعض بالدرجة الاولى ، الوضع موجع ، وماحدا فينا ضامن شي لبكرة ، والدنيا دين ووفا ، لما منمد ايدنا اليوم لحدا ، بكرة رح تنمد اكتر من ايد النا لما منحتاج ... والدنيا دوارة ...
تحياتي بالاخير لعمال النظافة العظماء ...
اللي عم يخلوا بلدنا دايما نضيفة بالحرب وباصعب الظروف وبالوقت الحالي اللي بيتطلب اكتر من اي وقت نضافة وتعقيم وحفاظا على صحتنا كلنا ...
تحياتي لكل سوري عم يقوم بمهامه وعمله الاضطراري بالظروف الصعبة هي ...
وتحياتي لكل شخص شريف واعي وفعّال ومسؤول ومدرك للي عم نمر فيه ...
